Gedichte2000.de - Die Gedichte-Homepage

Gedicht

 
Zurück Zur Übersicht Weiter
Foto von Leonore Enzmann

Hammo nich

Leonore Enzmann, 21. August 2009
´s is jo wie in olten Zeit´n,
isch find dos ziemlisch ferchterlich,
do kennte isch misch drieber streit´n,
Es heeßt bloß immer: hammo nich!

Isch bin numol keen Großvodieno,
drum koofe isch im ALDI ein.
Die ham sonst immo Supp´mhiener –
uff meine Frooche soocht mo „nein!“

Fier´n Gort´n wollt isch Grillanzindo,
Zucchini, abo nur een Stick,
Gemiese is numol gesindo,
nur hamse keens, isch hob keen Glick.

Und on do Kosse steht ´ne Schlonge,
im Wooch´n hob isch nur een Brot.
Dos Wort´n dauert mir ze lange,
drum geh isch vor. Ä Ollo droht:

He hint´n nan, mir wort´n olle!
De Wooch´n sin hoch angefillt,
woraufhin isch mein Brot hinknolle.
Nu wärd isch ooch noch ongebrillt!

Isch denke on vogangne Zeit´n,
do stond isch fier Bononen on.
Nu steh isch hier, nur um ze streit´n.
Wer soocht, heit sin mo besso dron?

© Leonore Enzmann 2009

Kommentare

 
Es wurde noch kein Kommentar geschrieben